الدرس الثالث html

بسم الله الرحمن الرحيم

دا لينك تحميل الدرس التالت بصيغة PDF

أو ممكن نتابعه هناااا

و لو في أي استفسار اسألوني هنا أو هناك

في أمان الله

الدرس الثاني

بسم الله الرحمن الرحيم

الدرس التاني

دا لينك تحميل الدرس التاني بصيغة PDF

يللا بينا نكمل درس المرة اللي فاتت .. و نعدل في كود المرة اللي فاتت..

اعمل بعد كلمة Ana مسافات كتيييييييييييييييييييرة ... و احفظ الملف و شوف ايه اللي هيتغير في الاوت بوت:

هتلاقي ان الاوت بوت اللي طلعلك هو الاوت بوت اللي من غير مسافات:

يعني مفيش أي تغيير عن الكود القديم اللي من غير مسافات .... و المسافات الاضافية في الكود مش بتتطبق في الاوت بوت .... الموضوع ده بالظبط زي حكاية سطر جديد .. في التطبيق مش بيفرق انت نزلت سطر جديد أو لأ أو عملت مسافات إضافية أو لأ...و السبب في ده ان المسافات الاضافية بتتعامل معاملة الرموز الخاصة

طيب لو عايزين نعمل مسافات كتيرة نعمل ايه؟؟؟

دي ليها تاج شكله غير باقي التاجات .. اسمه .....

التاج ده بيتكتب زي ما هو كدة و بيتقفل ب ;

تعالو نشوف الكود بيبقى ازاي و الأوت بود هيبقى ازاي:

شايف الفرق في الأوت بوت ... عمل مسافات بين Ana و 7asebaaat

بالمناسبة بقى طالما اتكلمنا عن الرموز الخاصة:

في في الشرح ال PDF جدول فيه كل الرموز اللي ممكن اي حد يحتاجها.

دلوقتي هننتقل لتاج تاني و هو مسؤول عن بعض خصائص الخط

التاج

التاج ده بنحدد بيه خصائص معينة في الخط .. زي الحجم ، و اللون ،، و نوع الخط ..

و بنستخدمه باننا نكتب جوة التاج نفسه الخصائص اللي احنا عايزينها، بالشكل ده:

· بالنسبة لتحديد اللون .. بنكتب كلمة color= و جنبها اسم اللون ... او في طريقة مكلكعة شوية في تحديد اللون و دي هتكلم عنها بعدين ان شاء الله .. لما اجي اتكلم على لون الصفحة...

· بالنسبة لنوع الخط بنكتب كلمة face= و جنبها نوع الخط .. و ممكن تعرف أنواع الخط اللي عندك من برنامج الوورد ... و لاحظ ان الخط الافتراضي اللي بينكتب بيه .. Times New Roman

· بالنسبة بقى لحجم الخط عشان نحددهم في طريقتين ...

الطريقة الأولى هي الطريقة المباشرة ،، و دي باننا نكتب كلمة size= و جنبها الحجم .. و المتصفحات بتقدر تتعرف على سبع احجام بس بحيث أقل حجم 1 و أكبر حجم 7 .

لاحظ بقى الاوت بوت...

بعد كدة هناخد تاج جديد و سهل اوي ... اسمه center و طبعا واضح من اسمه انه بيخلي الكلام في وسط السطر... و استخدامه زي باقي التاجات العادية ... و هنشوفه في الكود اللي جاي

تعالو بقى ندمج اللي فات بدلوقتي .. و نستخدم التاجات اللي في الدرس الأول ..

زي اننا نخلي الخط عريض .. أو تحته خط او مائل..

الأوت بقى موجود في شرح ال PDF

ـــــــــــــــــــــــــــــــــــــــــــــــــــــــــــــــــــــــــــــــــــــــــ

كدة الحمد لله خلصنا تاني درس

و التاسك المطلوب هو..

عمل صفحة ويب تحمل عنوان موقع الشركة المتحدة في شريط العنوان.

و العنوان داخل الصفحة يكون كلمة El-Motaheda بخط كبير (حسب ما تشوفه مناسب) و في وسط السطر

و تكتب تحتها العبارات دي بالشكل الموضح في الصورة:

AnyCool wayak 3latooool

AnyCool A7san ma7mool

AnyCool… AnyWhere… AnyTime

ملحووظة.. مش شرط الخط ده ... و لا بحجم معين ... المهم يكون العنوان بخط مختلف عن الكلام الباقي .. و التنسيق يكون بالشكل ده..

دا لينك تحميل الدرس التاني بصيغة PDF

كدة خلصنا تاااني درس ..

عاوزة اعرف منكم آراءكم بليييييز و بلاش اللي بيقرا و يمشي حرام بجد

و أكيد طبعا اللي واقف معاه حاجة في التطبيق لااااازم يقول

ـــــــــــــــــــــــــــــــــــــــــــــــــــــــــــــــــــــــــ

في أمان الله